Bože słužby, nyšpory a dalše zarjadowanja w serbskej rěči
Kemše a nyšpory
Kemše na njedźelach swjećimy w 9.30 hodź. Na prěnjej a třećej wutorje měsaca su rano we wosmich kemše w serbskej rěči. Na prěnim pjatku měsaca modlimy so na kemšach we 18.00 hodź. wosebje wo měšniski a rjadniski dorost.
Zbóžny kapłan Alojs
Před 75 lětami poćerpi kapłan Alojs Andricki w Dachauwje martrarsku smjerć. Na jeho wopomnjenskim dnju, 03.02., su wšitcy na pontifikalne kemše w 10.00 hodź. do Radworja přeprošeni. Po kemšach je móžnosć k bjesadźe, na kotrejž so přikusk poskići.
Naši najmłódši
Naši najmłódši maja swoje zetkanje tónraz sobotu, 10.02. dopołdnja, na farje.
Dźěći
Dekanatne dušepastyrstwo we Worklecach přeprošuje dźěći 1. a 2. lětnika na zhromadny dźeń wutoru 13. februara do Worklec. Šulerki a šulerjo 3. a 4. lětnika su přeprošene na zhromadny dźeń srjedu, 22. februara do Worklec. Přizjewjenja so we Worklecach přijimuja.
Młodźina
Wšelake młodźinske zarjadowanja dekanatneho dušepastyrstwa za póstny čas so wozjewja.
Seminar k přihotej na mandźelstwo
Seminar k přihotej na mandźelstwo je wot 23.02.-24.02. w Smochćicach. Přizjewjenja za njón přijimuja so pisomnje we Worklecach.
Seniorojo
Serbscy wuměnkarjo zetkaja so wutoru, 20.02., po kemšach w farskej rumnosći na Róžowej.